Çərşənbə günü Avropa Liqasının finalını televiziya vasitəsi ilə izləyən azərbaycanlı azarkeşlərin fikirləri, heç şübhəsiz, təzadlı idi.

“Kaş “Bayer-04”ün əvəzinə meydanda “Qarabağ” olaydı” düşünənlər də var idi, “Atalanta”nın Azərbaycan çempionunu mübarizədən kənarlaşdıran almanları cəzalandırmasını arzulayanlar da. Hər halda, İtaliya kuboku bu mövsümün ən yaxşı komandasını darmadığın etdi, ona heç bir şans vermədi. “Bayer-04”ün məğlubedilməzliyi haqda nağıl başa çatdı – Xabi Alonsonun komandası son 52 oyunda ilk dəfə uduzdu. Klubun tarixindəki 2-ci avrokuboku qazanmaq ümidi də puç oldu, trebl arzuları da.

Dublindəki duelin əsas qəhrəmanı üç qol vuran nigeriyalı Ademola Lukmandı. Bu, onun karyerasına tarixi oyun kimi düşdü: berqamoluların hücumçusu son 49 ildə turnirin tarixindəki ilk het-trikin müəllifi olmaqla yanaşı, avrokubokların finalında üç qol vuran ilk afrikalıdı. 26 yaşlı futbolçu qələbədən sonra belə dedi: “Həyatımdakı ən yaxşı gecələrdən biri idi. Komandam möhtəşəm çıxış etdi. Biz bunu bacardıq! Bayram etmək lazımdı, bu gecə tarixə düşdük”.
Lukman yeniyetmə yaşlarında planetin əsas istedadlarından biri sayılırdı, ancaq heç cür özünü göstərmək alınmırdı. İcarələrdə dolaşandan və Britaniya mediasının təzyiq dalğasından qurtulandan sonra, nəhayət, potensialını aça bildi. Can Pyero Qasperininin rəhbərliyi altında keçirdiyi son iki mövsümü karyerasının ən parlaq dönəmi saymaq olar.

Əfsanəvi ukraynalı müdafiəçinin yetirməsi
Lukman İngiltərədə doğulub və böyüyüb. “Vaterloo” akademiyasında futbolla məşğul olmağa başlayıb, ardından “Çarlton”a keçib və məhz orda peşəkar səviyyədə debüt edib.

Lukman London klubunda Kiyev “Dinamo”sunun və SSRİ yığmasının əfsanəvi müdafiəçisi Sergey Baltaçanın rəhbərliyi altında məşq edib. Baltaça “Çarlton”da Ezri Konsa v Co Qomes kimi futbolçuları da yetişdirib. Lukman klubun ən baha yetirməsi idi – “Eddiks” 2017-ci ildə ona görə “Everton”dan 12 milyon avro qopardı. Forvard elə həmin il İngiltərə yığmasının heyətində U-20-lər arasında dünya çempionluğunu qazandı.

Milli komanda ilə uğurlara baxmayaraq, Lukman bir neçə ildən sonra idman vətəndaşlığını dəyişdi, Nigeriyanı seçdi. 2023-cü ildə isə Afrika Millətlər Kubokunun vitse-çempionu oldu, turnirdə məhsuldar hərəkətlərin sayına görə yığmanın əsas ulduzu Viktor Osimheni arxada qoydu.

“Panenka” az qala karyerasını korlayacaqdı...

Ancaq Ademola uzun müddət klub səviyyəsində özünü göstərə bilmədi. İngiltərədə onu daim xatırladan bir məqam var – “Vest Hem” ilə oyunun 98-ci dəqiqəsəində faciəvi şəkildə yerinə yetirdiyi penalti. Belə görünürdü ki, uğursuz yerinə yetirilən “Panenka” üslubunda zərbə onun uğurlu karyerasının üzərindən xətt çəkəcək. Ertəsi gün Britaniyanın idman mediası onu amansızcasına tənqid etdi. Lukman sonradan belə dedi:

Daim icarəyə verilmək də işlərin qaydasında getməməsinin əlaməti idi. Hətta Leyptsiqə köç də işə yaramadı. Lukman 25 yaşında tam gözdən-könüldən uzaq düşdü, Britaniyanın ortabablarının tipik vingerinə çevrildi. Sabitlik sarıdan da ciddi əziyyət çəkirdi. Axı o, müxtəlif klubları dəyişdi, fərqli məşqçilərin rəhbərliyi altında çalışdı. Taktiki sabitsizlik tərəqqini əyləcləyirdi. Qasperininin 2022-ci ildəki dəvətindən sonra hər şey dəyişdi.

İtaliyaya keçid – karyerada dönüş nöqtəsi

Berqamoda nigeriyalıya inandılar, icarə variantını arxa plana atıb, satın aldılar. Ademolanın artıq daim gələcəyi haqda düşünməsinə ehtiyac yox idi. Necə deyərlər, meydana çıx və özünü sübut et! Müasir futbolun ən acımasız məşqçilərindən birinə sübut et!
66 yaşlı italiyalı mütəxəssisini etimadını qazanmaq üçün Lukman öz rejimini tam yenidən qurmalı oldu. Sərt pəhriz, məşqlərdən sonra uzunmüddətli bərpa, minimum 8 saat yuxu – başqa yolla Qasperininin yükləmələrinin altından çıxmaq mümkün deyildi.
Lukman Berqamoda zamanla hücumun aparıcı oyunçusu oldu və artıq mövsüm ərzindəki məhsuldarlığa görə iki dəfə ikirəqəmli həddi keçib. İndi onun hesabında 43 oyuna 15 qol və 8 məhsuldar ötürmə var.

Avropa Liqasında zəfər hələ ki forvardın karyerasındakı əsas uğurdu. Şübhə yoxdu ki, o, Qasperininin rəhbərliyi altında tərəqqini davam etdirəcək. “Atalanta”nın baş məşqçisi “Bayer-04” üzərindəki qələbədən sonra belə dedi: