“Özgür Kocaeli” qəzeti Ramilin çıxış etdiyi “Kocaelispor”un heyətiylə bağlı siyahı yayııb. Burda yay fasiləsində komandanı tərk edəcək və etməyəcək futbolçuların adları qeyd olunub.

Bilidirilib ki, yığmamızın hücumçusu müqavilə müddəti davam etdiyinə və baş məşqçi Ərtoğrul Sağlamın qərarına əsasən karyerasına 1-ci liqa klubunda davam edəcək. Xəbərə rəy bildirən azarkeşlər məlumatı qəzəblə qarşılayıb. Sizi bir neçə tənqidi şərhlə tanış edirik:

“Sizin futbol anlayışınız yoxdu. Ramillə bu qədər uzunmüddətli müqavilə bağlamamalıydız. Yaxşı ki, komanda superliqaya yüksəlmədi. Belə hücumçuyla növbəti mövsümün sonunda indiki yerimizə geri qayıdacaqdıq”, “Ramil o qədər maaşı niyə alır? Hansı əməliylə bunu haqq etdi? Sonra deyirsiz ki, klubun borcu çoxdu, azarkeşlər kömək etsin. Bizim belə futbolçuya ödəyəcək 5 quruşumuz yoxdu!”.

KƏNAN BAHADIR