"Əlvida, Paris"
Parisdə çoxdan gözlənilən hadisə baş verib. Kilian Mbappe mövsümün sonunda PSJ-dən ayrılacağını açıqlayıb.
Bu barədə fransalı hücumçu özü “X” səhifəsində məlumat verib. 25 yaşlı dünya çempionu klubu ilə müddəti bu mövsümün sonunda başa çatacaq müqaviləni yeniləməyəcəyini bildirib. Kilian PSJ-dən ayrılmağın onun üçün çətin olsa da, yeni çağırış məqamının yetişdiyini bildirib. Xatırladaq ki, ulduz futbolçu paytaxt klubuna 2018-ci ilin yayında “Monako”dan transfer olunub. O, ötən müddət ərzində PSJ-nin formasında bütün turnirlərdə 307 matçda iştirak edib, 256 qol vurub və 108 məhsuldar ötürmə verib. Qeyd edək ki, Mbappenin adı çoxdan “Real”la birgə hallanır. Bir müddəət əvvəl tərəflərin hətta fevralda ilkin müqavilə imzaladığı da iddia edilmişdi.
Kilianın hazırkı komandasının indiki və sabiq baş məşqçilərinə, həmçinin azarkeşlərinə müraciətini olduğu kimi nəzərinizə çatdırırıq:
“İlk növbədə komanda yoldaşlarıma və bütün məşqçilərimə - Unay Emeri, Tomas Tuxel, Maurisio Poçettino, Kristof Qaltye və Luis Enrikeyə təşəkkür etmək istəyirəm. Həmçinin idman direktorları Leonardo və Luiş Kampuşa məni həmişə dəstəklədikləri üçün minnətdaram. Pərdə arxasında qalan hər kəsə təşəkkür edirəm. Bu klubda hər kəs PSJ üçün əlindən gələni edir.
Azarkeşlərə təşəkkür etmək istəyirəm. Başa düşürəm ki, mən ən yaxşı oyunçu deyiləm. Amma heç vaxt sizi aldatmamışam və həmişə ən yüksək səviyyədə oynamaq istəmişəm. Mövsümü kubokla başa vuracağıq. Siz həmişə ürəyimdə qalacaqsınız. Əlvida, Paris”.
Azarkeşlərə təşəkkür etmək istəyirəm. Başa düşürəm ki, mən ən yaxşı oyunçu deyiləm. Amma heç vaxt sizi aldatmamışam və həmişə ən yüksək səviyyədə oynamaq istəmişəm. Mövsümü kubokla başa vuracağıq. Siz həmişə ürəyimdə qalacaqsınız. Əlvida, Paris”.
Digər xəbərlər
