"Zirə" ilə oyunu öncəsi "Qarabağ"da itkilər var.

“Football-plus.az” xəbər verir ki, Misli premyer-liqasının 34-cü turu çərçivəsində “Zirə”ylə keçiriləcək oyunu Ağdam klubunun aparıcı futbolçuları Yassin Benzya və Andrey Lunyov buraxmalı olacaq. Onlar bu gün keçiriləcək matçın hazırlığı zamanı zədələniblər.

Əzələsində problem yaranan Benzyanın iki həftə, Lunyovun isə bir həftəyə yaxın komandaya kömək edə bilməyəcəyi gözlənilir. Rusiyalı qapıçının premyer-liqanın son turunda meydama çıxacağı da istisna edilmir.

Toral Bayramovla Marko Veşoviç isə ötən turda “Neftçi”yə qarşı görüşdə zədələniblər. Monteneqrolunun mövsümü büşa vurmaq təhlükəsi var. Onun durumu ilə bağlı yekun qərar təkrar müayinələrdən sonra veriləcək. Qabırğasında çat olan Bayramovun müalicəsi isə uğurla yekunlaşıb. Onun “Zirə” ilə görüşdə meydana çıxıb-çıxmaması məşqçilər korpusunun qərarından asılıdı.