“Sözündə həqiqət olan məqamlar var, amma bu haqda dediyi fikirlərin çoxu, təbii ki, doğru deyil. Hətta bir məqamda özü də özünü təkzib elədi. Dedi ki, mən oynayanda rəqabət var idi. “Neftçi", "Qarabağ", "Sabah" üz-üzə gələndə azarkeş çox gəlirdi, çünki rəqabət var idi. Adam öz dili ilə etiraf edib ki, rəqabət olanda mübarizə olanda azarkeş də gəlir. Media hansısa vacib oyun öncəsi yaxşı mənada ajiotaj yarada, azarkeşlərin daha çox gəlməsinə kömək edə bilər. Biz o vaxt qəzetdə işləyəndə belə ajiotajı yarada bilirdik. İndi sayt jurnalistikasıdı, elə şeylər unudulub. Amma saytlar da istəsə yenə eyni şeyi edə bilər. Yoxsa "Turan Tovuz" - "Sumqayıt" oyunundan öncə olduğu kimi yox. Söhbət buraxdılar ki, məsələ həll olunub, "Sumqayıt"a kömək edəcəklər hakim köməyi ilə 3 xalı verəcəklər onlara. Bəlkə də oyuna 5-6 min adam gedəcəkdisə, ən azı yarısı o söhbətlərdən iyrənib stadiona getmədi. Yəni medianın belə təsirləri olur. Yoxsa Mahirin dediyi kimi, media tənqid edir, millinin oyunlarına azarkeş gəlmir, bu, gülməli versiyadı“.