“Oyuna pis başlamadıq. Hətta ilk 10 dəqiqə bizim nəzarətimizdə idi. İki top geri düşəndən sonra dəyişikliklər oldu. Hesab arasındakı fərqi azaltdıqdan sonra da şanslarımız oldu, sadəcə, dəyərləndirə bilmədik. Geridə olduğumuz üçün riskə getməli olduq. Rəqib də bizim irəlidə olduğumuzdan istifadə edib, əks-hücumlardan maksimum yararlandı. Şansımızın bitdiyini düşünmürəm. Doğrusu, çempionata başlayanda qarşımıza avrokuboklara düşmək hədəfi qoyulmamışdı. Ancaq belə bir fürsətimiz var. Çalışacağıq ki, bu fürsətdən yararlanaq. Qarşıda çətin matçlar var. Hamı bir-birindən xal ala bilir. İnşallah, yaxşı nəticələr qazanıb avrokuboklara vəsiqəni təmin edərik. Avtoqol epizoduna gəlincə, istədim ki, hücumçudan qabaq topa oynayım və auta çıxarım. Sadəcə, istədiyim kimi toxunuş edə bilmədim, şanssızlıq oldu”.