Britaniyalı superağır çəkili Derek Çisora (33-13) belə hesab edir ki, WBC versiyası üzrə superağır çəkinin çempionu Tayson Fürinin (34-0) WBA, IBF və WBO versiyaları üzrə çempion Aleksandr Usiki (21-0) necə olur-olsun, nokauta salmaq üçün çalışmasına dəyməz:
“Düşünürəm ki, Tayson Usiki nokauta salmağa çalışacaq, axı nəyisə sübut etmək istəyir. Ancaq belə hesab edirəm ki, onun hətta vaxtından əvvəl qələbəni təmin etmək üçün çalışmasına dəyməz. Əvəzində döyüş boyunca boks oynaması və fəal olması lazımdı. Fikrimcə, Taysonun nokaut cəhdi Usik üçün sərfəli olacaq”.
Füri ilə Usikin mayın 18-də Səudiyyə Ərəbistanının paytaxtı Ər-Riyadda oktaqona çıxacağını bir daha xatırladaq.