''Real'', ''Çelsi'' və Kamerun yığmasının sabiq üzvü Jeremi Ncitap bir andaca Avropa mətbuatının gündəmini zəbt edib.

Hazırda 45 yaşı olan və karyerasını hələ 2011-ci ildə başa vuran Ncitap qeyri-adi bir xəbərlə gündəmə gəlib. Məsələ burasındadı ki, Jeremi 2012-ci ildən mərhum milyarder Viktor Fotsonun qızı Lor Fotso ilə ailəlidi. Onların toydan 4 il əvvəl, 2008-ci ildə əkiz uşaqları olmuşdu. Jeremi uşaqların özündən olduğunu düşünərək bütün bu illər ərzində onları böyütmüş və atalıq etmişdi. Amma bu yaxınlarda sabiq futbolçunun qulağına uşaqların ondan olmaması xəbəri çatdı və o, bunu yoxlamaq qərarına gəldi. DNA testi isə göstərdi ki, uşaqların bioloji atası Lor Fotsonun əvvəlki həyat yoldaşıdı! Jeremi həyat yoldaşını yalan danışmaqda, ailə təməllərini sarsıtmaqda günahlandıraraq və ona nifrət etdiyini bildirərək boşanmaq üçün məhkəməyə müraciət edib. Qeyd edək ki, Jeremi Ncitap kifayət qədər titullu futbolçudu. O, 118 oyun keçirdiyi Kamerunun heyətində həm 2000-ci ildə Sidney Olimpiadasının qalibi, həm də 2 dəfə Afrika Millətlər Kubokunun qalibi olub. Bundan başqa o, ''Real''ın heyətində 1 dəfə La Liqa, 2 dəfə ÇL, ''Çelsi''nin heyətində isə 2 dəfə premyer-liqa çempionluğunu qazanıb.

ƏLİ