Ötən həftə dünya futbolundan maraqlı bir xəbəri diqqətinizə çatdırmışdıq.

"Football-plus.az" Xəbər verir ki, belə ki, Səudiyyə Ərəbistanı təmsilçisi “Əl-Hilal” rəsmi matçlarda ardıcıl 28-ci qələbəsini qazanmış və 2016-dan bəri Uels təmsilçisi TNS-ə məxsus olan rekordu yeniləyərək adını həm futbol tarixinə, həm də “Ginnesin Rekordlar Kitabı”na yazdırmışdı. “Əl-Hilal” şənbə günü daxili çempionatın 24-cü turunda “Damak”ı da 2:1 məğlub edərək seriyanı 29 oyuna çatdırdı.

Amma bugünlərdə məlum olub ki, hazırda dünya futbolunda bundan da yaxşı seriyaya malik olan peşəkar bir klub mövcuddu. Burda peşəkarlıq əsas meyar sayılır. Çünki məsələn, 2016-da Şotlandiyanın 5-ci divizion təmsilçisi “İst Kilbrayd” da ardıcıl 30 qələbə qazanmışdı. Amma bu klub yarıpeşəkar statusda olduğundan “Ginnesin Rekordlar Kitabı” bu nəticəni qəbul etmək istəməmişdi. Əvvəlcə qeyd edək ki, ötən il Türkmənistanda yeni şəhər istifadəyə verildi. Tikintisinə hələ 2019-cu ildə ölkənin o dönəmdəki prezidenti Qurbanqulu Berdiməhəmmədovun göstərişi ilə başlanılan, 1 milyar avrodan çox pul xərclənilən və ölkədə ilk dəfə “ağıllı şəhər” statusu alan bu şəhərin adı Ardakağdı. Təbii ki, Berdiməhəmmədovun göstərişi şəhərin eyniadlı futbol komandası da yaradıldı. Ölkənin ən güclü futbolçularından qurulan, aprelin 1-də yaradılan və dərhal Türkmənistan çempionatına buraxılan “Arkadağ”ın nəticələri ilk baxışdan məhz elə 1 aprel zarafatını xatırladır. Amma bu heç də zarafat deyil. “Arkadağ” “yaz-payız” sistemi ilə keçirilən Türkmənistan çempionatında ötən mövsüm 24 oyunun hamısında qalib gələrək maksimum – 72 xalla çempion oldu. Komanda ölkə kubokunda keçirdiyi 7 qarşılaşmanın da hər birini qələbə ilə başa vuraraq bu turnirin də qalibi oldu. Bu mövsümə isə “Arkadağ” çempionatda 2 qələbə ilə başlayıb. Düzdü, bu komanda fevralın əvvəllərində yoxlama oyunlarında “Şaxtyor”a (1:4) və “Dnepr”ə (0:1) uduzdu. Amma yoldaşlıq oyunları bu siyahıda nəzərə alınmır. Başqa sözlə desək, “Arkadağ” hazırda rəsmi matçlarda 33 oyunluq qələbə seriyasına malikdi! Bəs görəsən, komandanın bu uğurundan nə üçün danışan yoxdu? “Arkadağ”la bağlı internet resurslarında məlumat əldə etməyə çalışarkən dünən maraqlı bir xəbər qarşımıza çıxdı. Sloveniyanın 24ur.com saytının iddiasına görə, “Ginnesin Rekordlar Kitabı”nın rəsmiləri “Arkadağ”ın bu uğuru nə üçün qeydə alınmır” sualına belə cavab veriblər: