Niko Kovaç artıq “Volfsburq”u çalışdırmır.

"Football-plus.az" xəbər verir ki, rəhbərlik onu baş məşqçi vəzifəsindən azad edib.

Xorvatiyalı mütəxəssis uğursuz nəticələrə görə istefaya göndərilib. Komandanın bu il keçirdiyi 10 oyunda qələbəyə həsrət qalması 52 yaşlı Kovaçla əməkdaşlığın dayandırılmasına səbəb olub. O, “Volfsburq”u 2022-ci ildən çalışdırırdı. Bundesliqadakı qələbəsiz seriyası 11 oyuna çatan komanda hazırda Almaniya çempionatında 26 oyuna 25 xalla 15-ci yeri tutur.

Artıq Kovaçın xələfinin kimliyi məlumdu. Komandanı çətin vəziyyətdən Ralf Hazenhüttl çıxarmağa çalışacaq. Onunla imzalanan müqavilənin detallarına hələlik aydınlıq gətirilmir.