"Klubumuzun ənənələrinə və tarixi imicinə uyğun olmasa da, yeni baş məşqçinin tapşırığı mövsümün sonunda 2-ci yeri tutmaqdı. İki məşqçinin "bacarığı" nəticəsində əldə edilən nəticələr və oyun planında sistemsizliyi görmək üçün ekspert olmağa ehtiyac yoxdu. Mövcud vəziyyətdə klub və komandanın daxilində ruh yüksəkliyinin çox aşağı olması, klubdaxili kommunikasiyada "yenilər və köhnələr" ayrı-seçkiliyinin olması, komandada qruplaşmaların baş verməsini qəti şəkildə pisləyir və rəhbərlikdən bu kimi gözlə görünən durumların aradan qaldırılmasını tələb edirik. Bu, dəfələrlə edilən xəbərdarlıqların sonuncusudu. Komandanın nəticələri azarkeşlərin sağlamlığına, psixoloji durumuna ciddi təsir edir. Bunu istər rəhbərlik, istərsə də komandada olan şəxslər kluba mənən bağlı olmamaları səbəbindən anlamaya bilər, amma ən azı sosial media və azarkeş qrupları arasında yaranan vəziyyətdən nə dərəcədə gərginliyin yaşandığını müşahidə edə və ya az-çox xəbərdar ola bilərlər. Ünvanı səhv salmayın (!) və unutmayın ki, "Neftçi" bu ölkənin yeganə klubudu ki, birbaşa azarkeşlərin də təsir dairəsindədi. Son oyundan sonra tərəfdarların qəzəbdən bazaya gələrək etiraz etmələri də buna bariz nümunədi. Həmin tribuna yoldaşlarımızın da tez bir zamanda azad olunmalarını arzulayırıq. Klub rəhbərliyindən konkret addımlar gözləyir və yaranmış vəziyyətin həlli üçün qətiyyətli addımlar tələb edirik!"

"Forza Neftçi" aktiv tribuna qrupu olduğu üçün qərarın doğru olduğunu düşünürük. Çünki mövcud vəziyyətin düzəlməsi üçün ciddi nəsə etmək lazımdı. Bizə gəlincə, dərnək üzvlərinin də bir çoxu tribunaya yollanmayacaq. Biz vəziyyətin müsbət tərəfə dəyişməsini və keyfiyyətli, həyəcanlı futbol izləmək istəyirik. Düşünürük ki, rəhbər şəxslərdən kimsə çıxıb brifinq vasitəsilə hesabat verəcək".

"Fikrimizi konkret bildirmişik. Bəyanatlardan sonra komandaya müsbətə doğru irəliləmək üçün vaxt verildi. Rəhbərlik tezliklə əməli fəaliyyətə keçməlidi. Komandaya verilən vaxt limiti başa çatsa da, daha bir neçə həftə gözləyəcəyik. Rəhbər şəxslərlə görüşüb problemləri demişik. Hətta lazım olsa, dəstək göstərəcəyimizi də dilə gətirmişik. Buna baxmayaraq, inkişafa doğru dəyişiklik çox cüzidi. Bəyanatdan sonra problemlər aradan qaldırılmasa, əlbəttə, başqa üsullar da var. Biz komandanın nüfuzunun qorunması və inkişafı üçün çalışırıq. Əksini edən hər kəsin qarşısında olacağıq. "Neftçi"dən konkret istəyimiz həm klub, həm də komanda daxilindəki işlərə peşəkar yanaşmadı. Burda yerinə layiq olmayan bir neçə futbolçu və funksioner var ki, tezliklə yola salınmalı və doğru-düzgün "Neftçi" formalaşdırılmalıdı. Hələ ki radikal addımlar atmırıq. Çünki camiəyə və klub nüfuzuna ziyan verə bilərik. Onsuz da ictimaiyyət qarşısında pis vəziyyətdəyik. Sadəcə, bilsinlər ki, B və C planlarımız da var. Müşahidə Şurası kəskin qərarlar verməlidi. "Neftçi Azarkeş Dərnəyi" olaraq, "Futbol+" vasitəsilə bildirmək istəyirik ki, Müşahidə Şurasının üzvləriylə görüşməyə hazırıq. Onları klubun bu çətin vəziyyətdən çıxması üçün vəhdət olmağa dəvət edirik. "Neftçi" azarkeşi komandasının inkişafını, uğurunu istəyir".