“Uğursuzluq deyəndə ki... Komanda oyun planında rəqiblərindən geri qalmır. 90 dəqiqə ərzində az qol vəziyyəti yaratmırıq. Əsas problem onları realizə etməklə bağlıdı. “Səbail"lə oyunda hesabda öndəydik, hətta bir neçə real qol epizodundan yararlna bilmədik. Eləcə də “Sabah”la matçda. Futbolda üç nəticə var ki, 90 dəqiqənin yekununda bunlardan biri ilə barışmalı olacaqsan. Uğursuzluq deməzdim, bəlkə də idman xoşbəxtliyi bizdən üz döndərib. Kimisə günahkar çıxarmaq düzgün olmazdı. Qələbəni necə kollektiv qazanırsa, məğlub olanda da komanda şəklində hər kəsin günahı var. Baş məşqçi PRO kateqorisına malikdi. Ona sahib olmaq üçün kursları yüksək səviyyədə başa vurmalisan. Azər Bağırov qısa qədər qazandığı nəticələrlə qabiliyyətini sübut edib. Maliyyə və başqa məsələlərlə bağlı da heç bir problem yoxdu. Futbolçular vaxtında maaşını alır. Biz də istəyərik ki, komanda doğma meydanda - Naxcivanda oynasın. Amma indiki məqamda stadion PFL-in tələblərinə cavab vermir. Arena hazır olandan sonra məmnuniyyətlə Naxçıvanda çıxış edəcəyik”.