“Əvvəl də vurğulamışdım ki, komandamız yeni transferlərin hesabına artıq güclənib. Sonuncu yerlərdə gedərək, ön pillələrdə olan komandaya qalib gəlmək heç kimi təəccübləndirməsin. Çünki komanda, demək olar ki, 70 faizi dəyişib. Hər oyuna qələbə üçün çıxırıq. Hər oyun qələbə qazanacağıq demirəm. Amma bizim də gücümüz var. Komandamız həqiqətən çox yaxşı mübarizə aparırdı. Oyunçularımızın fərdi keyfiyyətinin üstün olduğunu bilirdik. Bacardığımız qədər yüksək intensivliklə pressinq edirdik. Rəqibin topu rahat qəbul etməsinə, ətrafa baxmasına şərait yaratmırdıq. Ona görə də düşünürəm ki, oyunumuz uğurlu keçdi. Rəqibin mərkəz müdafiəçilərinin ləng olduqlarını bilirdik. Bundan istifadə edib, əks-hücumlarda oynamağı seçmişdik. Hesab başqa cür də ola bilərdi. Rəqib komandanın iki dəfə qola yaxın epizodu oldu. Amma epizodlardan yararlana bilmədilər. Fərq bundan da böyük ola bilərdi. Çünki bizim epizodlarımız çox idi”.