Autsayder autsayderi darmadağın etdi
Birinci liqa klubları yoxlama oyunlarını davam etdirir.
Dünən keçirilən “Difai Ağsu” – “Şəfa” oyununda gözlənilməz hesab qeydə alınıb. 1-ci liqanın autsayderi 2-ci liqanın autsayderini darmadağın edib. “Difai Ağsu”nun baş məşqçisi Elgiz Kərəmlinin açıqlaması:
“Şəfa”ya yoxlama oyununda 6:1 hesabıyla qalib gəldik. İlham Allahverdiyevlə Kristian Kamta dubl etdi, Əbil Əbilovla Bayraməli Qurbanov da fərqləndi. Oyun bizim diqtəmiz şəraitində keçdi. Sadəcə, rəqib güclü deyildi. Transfer işlərini yekunlaşdırmışıq. Komandadan gedənlər olmayacaq. 22 futbolçumuz var. Hücumu möhkəmləndirmək istərdim. Amma artıq transfer edə bilmirik”.
Dünən “Qaradağ Lökbatan” də “İmişli”yə 1:0 hesabıyla qalib gəlib. Yeganə qolu Xəlil Bəşirov vurub.
ƏSƏD SEYİDOV
Digər xəbərlər
