“Bayer-04”ün azərbaycanlı fanatları kimin qalib gəlməsini istəyir? - AÇIQLAMA
Avropa Liqasının 1/8 finalının “Qarabağ” – “Bayer-04” oyununa iki gün qaldı.
Bilindiyi kimi, ölkəmizdə Almaniya təmsilçisinə fanatlıq edən futbolsevərlər də var. Onlar “Facebook”da fəaliyyət göstərən “Bayer-04 Azerbaijan” fan səhifəsində bir araya gəlib.
Görəsən, azərbaycanlı azarkeşlər sabah Bakıya təşrif buyuracaq komandanı qarşılayacaq? Sevimli komandalarını hansı tribunadan dəstəkləyəcəklər? Ümumiyyətlə, hansı tərəfin qələbəsi onları daha çox xoşbəxt edəcək?
Bu suallarla bəhs etdiyimiz səhifənin rəhbəri Mikayıl Abbasova müraciət etdik. Onun “football-plus.az”a söylədikləri:
“Bayer-04”ü Mihael Ballaka görə sevmişəm. Düzü, ölkəmizdə fan kütləmiz çox kiçikdi. Üzvlərimizin çoxu almandı və onlarla yaxşı dostluq münasibətlərimiz var. Çalışacağıq ki, komandamızı yaxşı ab-havada qarşılayaq. Oyunu “Qarabağ” azarkeşlərinin arasında izləyəcəm. Elə matçdı ki, hisslər qarışıqdı. Hər iki kluba böyük simpatiyam var. Bizim üçün qalib və ya məğlub tərəf olmayacaq”.
Qeyd edək ki, “Tofiq Bəhramov”da keçiriləcək oyun martın 7-si, saat 21.45-də başlayacaq.
KƏNAN BAHADIR
Digər xəbərlər
