A seriyasının 27-ci turunda Roma, Neapol və Berqamoda keçirilən oyunlara maraq daha böyük idi.

Bu matçlardan yalnız biri ev sahibinin qələbəsi ilə başa çatdı, iki oyunda isə qonaq komanda maksimum nəticəyə nail oldu.

Paytaxtda cümə günü baş tutan oyun “Milan”ın xeyrinə sona çatdı. Hərçənd qonaqlar xüsusilə ilk hissədə hücum xəttində heç nə ilə yadda qalmadılar. “Latsio” topla az oynasa da, həmlələri daha təsirli olurdu. 57-ci dəqiqədə Luka Pelleqrininin növbəti xəbərdarlığa görə meydandan qovulması komandasının planlarını alt-üst etdi. Üstünlüyü ələ alan qonaqlar sona yaxın Okaforun zərbəsi ilə istəyinə çatdılar. Son dəqiqələrdə əsəblərinə hakim ola bilməyən romalıların iki oyunçusu – Maruşiç ilə Genduzinin qarşısında birbaşa qırmızı vərəqə gördüyünü də bildirək. Vacib qələbə “Milan”ı 2-ci yerə yaxınlaşdırdı.

Çünki bu pillədəki “Yuventus” Neapol səfərindən əliboş döndü. Fevralın 28-də “Sassuolo”nu səfər oyununda 6:1 hesabıyla darmadağın edən “Napoli” Françesko Kaltsonanın başçılığı altında ikinci qələbəsini qazandı. İtaliyanın son çempionu, belə desək, bu nəticəni turinlilərdən daha çox istədi və sonda istəyini reallaşdırdı. Doğrudu, qonaqlar da evə azı xalla dönə bilərdilər. Onların əsas bombardiri Vlahoviç bir neçə gözəl şansı boşa verdi və artıq “Yuventus” əsas izləyicisi “Milan”ı yalnız bir xal qabaqlayır.

“Atalanta” Çempionlar Liqasına son vəsiqə uğrunda mübarizədə əsas rəqiblərindən birinə evdə məğlub oldu. “Bolonya” Berqamoda əzmkar qələbə qazanmaqla 4-cü yerdəki mövqeyini bir qədər də gücləndirdi. Tyaqo Mottanın komandası artıq çempionatda 6 oyundu büdrəmir!

27-ci tur
Latsio – Milan 0:1
Okafor, 88. (54000)
Latsio: Provedel, Luka Pelleqrini, Romanyoli, Qila, Maruşiç, Luis Alberto (Hüsay, 60), Vesino (Kataldi, 77), Genduzi, Zakkanyi (İsaksen, 60), Felipe Anderson, Kastelyanos (İmmobile, 60).
Milan: Menyan, Ernandes, Qabbya (Tomori, 61), Kyaer (Tiav, 61), Florentsi (Kalabriya, 64), Adli (Okafor, 71), Bennaser (Reynders, 61), Leao, Loftus-Çik, Pulişiç, Jiru.
Montsa – Roma 1:4
Karboni, 67 – Lorentso Pelleqrini, 38. Lukaku, 42. Dibala, 63. Paredes, 82-p. (14188)
Roma: Svilar, Anxelinyo (Smollinq, 59), Ndika, Mançini (Höysen, 77), R.Kristensen (Çelik, 27), Lorentso Pelleqrini (Bove, 59), Paredes, Kristante, Əl-Şaaravi, Dibala (Baldantsi, 77), Lukaku.
Torino – Fiorentina 0:0
(22845)
Fiorentina: Terraçano, Biraqi, Ranyeri (Mandraqora, 54), Milenkoviç, Kayode, Artur (Lopes, 60), Bonaventura (Nzola, 85), Sottil (İkone, 68), Beltran (Barak, 46), Qonsales, Belotti.
Atalanta – Bolonya 1:2
Lukmen, 28 – Zirkzee, 57-p. Ferqyuson, 61. (14931)
Atalanta: Karnesekki, Kolaşinats, Skalvini (Skamakka, 66), Cimşiti, Rucceri (Hin, 89), De Roon, Zappakosta (Holm, 62), Paşaliç (Ederson, 62), Koopmeyners, De Ketelare (Mirançuk, 66), Lukmen.
Napoli – Yuventus 2:1
Kvaratsxeliya, 42. Raspadori, 88 – Kyeza, 81. (55000)
Napoli: Meret, Olivera, Juan Jezus, Rrahmani (Estiqor, 65), Di Lorentso, Traore (Zyelinski, 65), Lobotka, Zambo Angissa, Kvaratsxeliya (Lindstrem, 90+3), Politano (Raspadori, 65), Osimhen.
Yuventus: Şçensnı, Ruqani, Bremer, Aleks Sandro, Aylinq-Cunior (Boende, 76/ Milik, 90), Kambyaso (Vea, 66), Lokatelli, Miretti (Yıldız, 76), Alkaras (Danilo, 90), Kyeza, Vlahoviç.
Udineze – Salernitana 1:1
Kamara, 45+3 - Çauna, 10. (20189)
Verona – Sassuolo 1:0
Sviderski, 79. (22000)
Empoli – Kalyari 0:1
Yankto, 69. (11223)
Frozinone – Leççe 1:1
Şeddira, 45+2 – Çerofolini, 61-öz qapısına. (15334)
İnter – Cenoa 2:1
Asllani, 30. Sançes, 38-p. – Vaskes, 54.
1. İnter 27 23 3 1 69-13 72
2. Yuventus 27 17 6 4 42-21 57
3. Milan 27 17 5 5 51-32 56
4. Bolonya 27 14 9 4 41-24 51
5. Roma 27 14 5 8 52-33 47
6. Atalanta 27 14 4 9 49-30 46
7. Napoli 27 12 7 8 42-31 43
8. Fiorentina 27 12 6 9 39-30 42
9. Latsio 27 12 4 11 32-29 40
10. Torino 27 9 10 8 25-25 37
11. Montsa 27 9 9 9 28-34 36
12. Cenoa 27 8 9 10 29-33 33
13. Leççe 27 5 10 12 25-44 25
14. Empoli 27 6 7 14 22-41 25
15. Udineze 27 3 15 9 26-41 24
16. Frozinone 27 6 6 15 35-56 24
17. Verona 27 5 8 14 24-36 23
18. Kalyari 27 5 8 14 25-47 23
19. Sassuolo 27 5 5 17 32-55 20
20. Salernitana 27 2 8 17 21-54 14
Bombardirlər: Lautaro Martines (İnter) - 23, Vlahoviç (Yuventus) - 15, Dibala (Roma), Jiru (Milan) - 12.
Növbəti turun oyunları martın 8-11-i aralığında keçiriləcək: Napoli – Torino, Sassuolo - Frozinone, Kalyari – Salernitana, Bolonya – İnter, Cenoa – Montsa, Leççe – Verona, Milan – Empoli, Yuventus – Atalanta, Fiorentina – Roma, Latsio – Udineze.

Turun rəqəmi
3 - “Latsio” “Milan”la ev oyununu 8 nəfərlə başa vurdu. Romalılar son 12 ildə A seriyasında belə aqibət yaşayan ilk komanda oldu. Xatırladaq ki, 2012-ci ilin noyabrında keçirilən “Bolonya” ilə matçda (0:3) “Palermo”nun da üç oyunçusu qırmızı vərəqə almışdı.

Turun ulduzu
Xviça Kvaratsxeliya (Napoli) – gürcü futbolçu son oyunlarda məhsuldar çıxışı ilə diqqəti cəlb edir. Kvaratsxeliyanın fasilə ərəfəsində vurduğu qol komandasının “Yuventus” üzərində vacib qələbəsində rol oynadı. Xviça driblinqləri ilə rəqibin müdafiə xəttində daim gərginlik yaratdı, turinliləri bir neçə dəfə ona qarşı kobud oynamağa və sarı vərəqə almağa vadar etdi.

Turun sitatı
Klaudio Lotito, “Latsio”nın prezidenti: