Ferstappen starta hazırdı
“Formula-1” üzrə üçqat dünya çempionu Maks Ferstappen 2024-cü il mövsümünün startını səbirsizliklə gözləyir. “Red Bull”un pilotu artıq həftəsonu Bəhreyndə keçiriləcək ilk “Qran-pri”yə hazır olduğunu bildirib.
Niderlandlı sürücü Bəhreyn mərhələsində uğurlu nəticə qazanmaq arzusundadı:
“Mövsümün startına hazıram. Bəhreyn “Qran-pri”sini səbirsizliklə gözləyirəm. Yaxşı sınaq günləri keçirdik, avtomobil haqqında çox şey öyrəndik. İlk həftəsonunu uğurlu keçirmək üçün hər şeyi düzgün etdiyimizə əmin olmalıyıq. Ümid edirəm ki, bu mərhələdə heç bir sürpriz olmayacaq. İstənilən halda, mövsümə başlamağa şadam”.
Bu arada bukmekerlər test yürüşlərinin nəticəsi əsasında Bəhreyn mərhələsinin favoritləri ilə bağlı ehtimallarını açıqlayıb. Ferstappen Sahir trassının favoriti sayılır. Onun komanda yoldaşı Serxio Peres reytinqdə ikinci yerdədi, lakin meksikalı sürücünün qələbə şansının Maksdan beş dəfə aşağı olduğu təxmin edilir. “Red Bull” pilotlarını istisna etsək, Bəhreyn mərhələsinin favoriti Şarl Leklerdi.
Digər xəbərlər
