“Difai Ağsu” mövsümün 2-ci yarısına çox yaxşı start verib. Rəqibi təbrik edirəm. Oyuna gəlincə, demək olar ki, tam bizim nəzarətimiz altında keçdi. Duman və sis səbəbindən hava şəraitinin əlverişli olmamasına görə meydançada 30-40 metr irəlini görmürdük. Bəlkə də bu görüş təxirə salınmalıydı. Bunlar hakimin, hakim-inspektorun və AFFA nümayəndəsinin işidi. Amma ümumi götürsək, çoxlu qol vəziyyəti yarada bildik. Təəssüf ki, həmin epizodlardan yararlana bilmədik. Ümumilikdə isə futbolçularımın oyunundan razı, matçın nəticəsindən narazı qaldım. Bizim üçün həqiqətən uğursuz nəticədi. Amma bu futboldu. Futbolda isə hər şey ola bilər. Topun üzü dönürsə, qol vurmaq mümkünsüzdü. Hətta qol da vurduq. Qolun videoyazısına da baxmaq olar. Sadəcə, hakimlərlə mübahisə etməyi xoşlamıram. Qol epizodunda nə ofsayd var, nə də ki hakim penaltini dəyərləndirdi. Dediyim kimi, hakimlərlə mübahisə etmək fikrim yoxdu. Epizodu elə dəyərləndirdisə, öz Allahı bilər”.