"Qarabağ"ın mərhələ adlamaq şansı indi daha yüksəkdi. Amma arxayınlıq, rəqibi ciddiyə almamaq problem yarada bilər. Hətta indi vəziyyət daha çətindi. "Braqa" Bakıya qisas üçün gələcək və bunu bacaracaq gücü var. Qurban Qurbanovun doğru qərarlar verəcəyinə əminəm, amma hər şeyi xırda detallar həll edəcək. Erkən qol buraxmamaq vacibdi. Zənnimcə, "Qarabağ" ilk oyundakı üstünlüyü qorumaq üçün arxaya çəkilməməli, öz oyun tərzini davam etdirməlidi. "Qarabağ"ın uğuru, təbii ki, həm də Azərbaycan futbolunun uğurudu. "Qarabağ" bu gün flaqmandı və futbolumuzun simasıdı. Xarabalıqdakı tək çiçək olsa da, ağdamlılar ölkə futbolunun layiqli təmsilçisidi. Kaş ölkə futbolunda durum daha yaxşı olaydı, başqa klublar da birlikdə ölkə reytinqini daha yüksəyə qaldıraydılar".