Milli Hokkey Liqası (MHL) və MHL Oyunçularının Assosiasiyası (MHLOA) bu liqada yarışan hokkeyçilərin 2026 və 2030-cu ilin Olimpiadalarında iştirak şərtlərini Beynəlxalq Hokkey Federasiyası ilə razılaşdırıb.

“Football-plus.az” xəbər verir ki, MHL-in mətbuat xidməti iştirakla bağlı bütün əsas prinsiplər üzrə razılıq əldə olunduğunu, detalların qarşıdakı aylarda dəqiqləşəcəyini xəbər verir.

MHL həmçinin 2025-ci ildə beynəlxalq “4-lər turniri”nin keçiriləcəyini elan edib. Turnirə Kanada, ABŞ, İsveç və Finlandiya yığmaları qatılacaq. Komandalar MHL oyunçularından qurulacaq.

MHL ilə bağlı başqa maraqlı xəbərlər də var. Həmkarımız Mark Lazerus liqanın komissarı Qeri Bettmenə istinadla müntəzəm çempionata yeni komandaların qatıla biləcəyini xəbər verir. Yuta, Hyuston, Atlanta, Sinsinnati və Omaxa ştatları artıq bu yöndə ilkin marağını izhar edib. Bir neçə gün əvvəl MBA klubu “Yuta”ya rəhbərlik edən şirkətin MHL-ə Solt-Leyk-Sitidə hokkey komandası yaratmaqla bağlı rəsmi sorğu göndərdiyini xəbər vermişdik.

Bu arada Todd Maklellan “Los-Anceles”in baş məşqçi postunu tərk edib. Son iki mövsümdə onun yardımçısı olan Cim Hiller baş məşqçinin səlahiyyətlərini müvəqqəti yerinə yetirəcək. Maklellan 2019-un aprelindən bəri “Los-Anceles”in “sükanı arxasında” idi. Komanda onun rəhbərliyi altında iki dəfə pley-offa çıxa bilməyib, iki dəfə isə pley-offun ilk mərhələsindəcə uduzub.