“İlk məşqim çox yaxşı keçdi. Zatən burdakı bir çox futbolçunu əvvəlcədən tanıyırdım. Bundan sonra isə onları daha yaxından tanımaq fürsətim olacaq. Komandaya yardım etmək üçün əlimdən gələni edəcəm. Transfer müddətində hər şey qaydasında keçdi. Menecerimdən zəng gəldikdən sonra mən də səbrlə gözləməyə başladım. Çalışmalarımı davam etdirdim və sonda da transfer baş tutdu. Bu klubun əfsanələrindən biri olan Filipp Lam mənim kumirimdi. Uşaq yaşlarımda onun oyunlarını çox izləyirdim. Əlbəttə, bir gün mən də onun səviyyəsinə yüksəlmək üçün üzərimdə çox çalışmalıyam. Hazır durumdayam və dərhal oynayacaq vəziyyətdəyəm. Daha da yaxşı olmaq üçün hər gün üzərimdə çalışıram. Matis Tel yaxın dostlarımdan biridi. Mənə “Bavariya” ilə bağlı hər şeyi danışdı. Dünyanın ən böyük klublarından biri olduğunu və bütün titulları qazanmaq istədiklərini dedi. Danışdıqlarının, təbii ki, faydası oldu. Amma “Bavariya” haqda onsuz da məlumatım var idi. Yəni onunla danışmasaydım da, bura gəlməyə razılıq verəcəkdim. Üzərimdə heç bir təzyiq hiss etmirəm. “Bavariya”nın formasını geymək böyük bir fəxrdi. Yaxşı mənada həyəcanlıyam. Pillə-pillə irəliləmək istəyirəm. “Alyans Arena” dünyanın ən yaxşı stadionlarından biridi. Yaxınlarda “Qalatasaray”ın heyətində bu stadionda oynamaq fürsətim oldu. Bundan sonra isə ora “Bavariya”nın futbolçusu kimi ayaq basacam. Bunu etmək üçün çox səbirsizlənirəm. “Bavariya”ya transfer olunmaq karyeram baxımından mühüm bir hadisədi. Potensialımı və nəyə qadir olduğumu göstərmək üçün əlimə gözəl fürsət düşüb”.

“Boe çox enerjili, meydanda bir an da dayanmayan, mübarizə aparmağı sevən mükəmməl bir müdafiəçidi. “Bavariya” üçün əla transferdi. Çempionlar Liqasında “Qalatasaray”a qarşı keçirdiyimiz hər iki oyunda bitmək bilməyən enerjisi ilə bizi heyran etməyi bacarmışdı. Onu komandamızın heyətində meydanda görmək üçün hər birimiz səbirsizlənirik. Ona ödədyimiz məbləğ üzərimizdə heç bir təzyiq yaratmır. Boenin daha da inkişaf edəcəyinə və “Bavariya”ya çox şey qatacağına inanıram”.