"Hər şey irəlidədi, heç nə bitməyib"
Ölkə kubokunun 1/4 final mərhələsində "Araz-Naxçıvan" "Qəbələ" ilə qarşılaşıb - 1:1.
"Football-plus.az" xəbər verir ki, oyundan sonra qərblilərin çalışdırıcısı Azər Bağırovun mətbuat konfransı keçirilib. Sizi onun fikirləri ilə tanış edirik:
"Çətin oyun oldu. Son üç gündə demək olar ki, məşqçi heyəti olaraq stressdəydik. Qrip virusuna yoluxmuşduq. Çətinliklərimiz oldu. Orta xətt bu gün bizi qane etdi. Əsasən də irəlidə oynayan futbolçularımız".
- Say üstünlüyünə malik idiz, amma qalib gələ bilmədiz. Buna görə üzgünsüz?
- İstəyərdik ki, qalib gələk. Amma alınmayanda, alınmır. Hücumda olan gedişlar alınmadı. Üzülməyə dəyməz. Hər şey irəlidədi, heç nə bitməyib. İkinci hissə Qəbələdə olacaq.
- Kubokdakı bombardiriniz Aksel Nqando şans qazanmır. Rəqabətdə uduzur?
- Rəqabət məsələsi deyil. Akselin meydanı yaxşı görmək qabiliyyəti var. Monoton oyunçudu, amma çox ağıllı görür. Ona güvənirəm.
- "Qarabağ" "Sabah"ı 7:1 hesabı ilə məğlub etdi. Bir müddət əvvəl siz "Qarabağ"a 1:3 uduzmuşduz. Dünənki matçdan sonra düşündünüz ki, yaxşı qutarmısız?
- Yox, belə düşünmürəm. Əlbəttə ki, futbolda 6:1, 7:1 nəticələri də ola bilər. "Qarabağ"a qarşı üç oyun keçirmişik və futbolçular hamısında vuruşublar. Son matçda da Orxan epizodu vursaydı, başqa cür ola bilərdi. Futboldu da, şanssızlıq da yaşayırsan. Şanslı vaxtlarımız qarşıdadı. Bu gün də penaltini vursaydıq, oyun fərqli məcrada keçərdi. Yaxşı qurtardıq düşüncəsi bizlik deyil.
- Finala qədər "Neftçi" və "Qarabağ"la rəqib olmayacaqsız. Özünüzü şanslı hesab edirsiz?
- Heyətimiz geniş deyil. Oyundan-oyuna komandanı daha yaxşı etmək istəyirik. Düşüncələrimiz oyunlar, nəticə qazanmaqdı. Hər matça nəticə üçün çıxırıq.
