“Bayer-04” heyətinə yeni oyunçu cəlb edib.

Almaniya klubu “Betis”dən Borxe İqlesiasın transferini rəsmiləşdirib. Leverkuzen təmsilçisi 31 yaşlı hücumçunu icarəyə götürüb. Onunla müddəti cari mövsümün sonunadək nəzərdə tutulan sözləşmə imzalanıb. Müqaviləyə birdəfəlik satınalma hüququ da daxildi. “Bayer-04” Borxenin icarəsinə görə “Betis”ə 1,5 milyon avro ödəyib.

Qeyd edək ki, futbolçuu bu mövsüm sevilyalıların heyətində bütün turnirlərdə 18 matç keçirib, 2 qol vurub və 2 məhsuldar ötürmə edib.