''Qalatasaray'' ''Bavariya''ya transfer olunan Saşa Boenin boşluğunu doldurmaq, yəni müdafiənin sağ cinahını gücləndirmək niyyətindədi.

“Football-plus.az” xəbər verir ki, Türkiyə mətbuatının yazdığına inansaq, İstanbul nəhəngi diqqətini ''Renn''in daha bir üzvü Lorents Assinyona yönəldib. Qeyd edək ki, ''Cim-Bom'' Boeni də 2021-in yayında cəmi 1 milyon avroya məhz ''Renn''dən almışdı! Amma bu dəfə Fransa klubu öz oyunçusuna görə 1 yox, 5 milyon avro tələb edir. Boenin yüksəlişini görən Assinyon özü də Türkiyəyə yollanmağın tərəfdarıdı. 23 yaşlı Toqo əsilli fransalı futbolçu həm müdafiədə etibarlıdı, həm də hücumlara qoşulmağı xoşlayır. ''Renn''də bu mövsüm 20 rəsmi oyunda 2 qol, 1 məhsuldar ötürmə ilə fərqlənən Assinyonun müqavilənin son detallarını razılaşdırmaq üçün qısa müddət ərzində İstanbula gələcəyi gözlənilir.

181 sm boya malik olan və fiziki göstəricilərinə görə Boeyə bənzəyən Assinyon ''Renn''in öz yetirməsidi. O, daha öncə 1 mövsüm icarə əsasında ''Bastiya''da top qovub.

ƏLİ