“Hamı bilir ki, Gəncədə oyunlar çox ağır keçir. Onların çox yaxşı azarkeşləri var”.

"Football-plus.az" xəbər verir ki, bunu Basketbol Liqasında qələbə qazanan "NTD-İndiqo"nun baş məşqçisi Tahir Baxşıyev deyib.

Səfərdə "Gəncə" üzərində 94:80 hesabı ilə qələbə qazanan Xaçmaz klubunun çalışdırıcı ilk çeyrəkdən sonra üstünlüyü ələ aldıqlarını bildirib:

"Komanda yaxşı oyun keçirdi. Əslində “Gəncə” də yaxşı oyun nümayiş etdirir. Məni təəccübləndirir ki, onlar belə oyunla turnir cədvəlində son yerlərdə gedir. Düşünürəm ki, son turlarda daha yaxşı oynayacaqlar. Başa düşürdük ki, onlar tam gücü ilə oynayacaq. "Gəncə"nin öz məqsədləri var. Ümümi götürəndə, oyunçularım matçın axarına nəzarət edirdi. İlk çeyrək çətin keçdi, amma sonradan oyunu ələ ala bildik. Bizi sevindirir ki, Elşad Şirzadov meydançaya qayıdıb. Hələ optimal formadan uzaqdı. Ancaq bu, anlaşılandı. Ağır zədədən sonra geri döndü. Mən ondan razı qaldım".

Qeyd edək ki, "NTD-İndiqo" mövsümdə 10-cu qələbəsini qazanıb.