"Göyəzən"in yaranmasının 45 illiyini keçirə bilməmişəm. Ömür yetsə, sağlamlığım imkan versə, Qazaxın, "Neftçi"nin və digər veteran futbolçu dostlarımla birgə öz aramızda həm yoldaşlıq görüşü keçirmək, həm də komandamızın yubileyini qeyd etmək istəyirəm" - qəzetimizə verdiyi son geniş müsahibədə bu arzularını dilə gətirən Mehdi Salmanov, təəssüf ki, bu gün gözlərini əbədi yumdu.

Prezidenti olduğu "Göyəzən"in, ümumiyyətlə, Qazax futbolunun inkişafında, ayaqüstə durmasında müstəsna xidməti olan Mehdi müəllim amansız xəstəliyə təslim oldu. "Futbol+"in də yaxın dostu olan, özü problemlər içində ola-ola, qəzetimizlə yaxından maraqlanan, müntəzəm əlaqə saxlayan Mehdi müəllimin yaxınlarına və əzizlərinə dərin hüznlə başsağlığı verir, Allahdan rəhmət diləyirik.