“Onun xəstəliyi elədi ki, əməliyyatlıq deyil”
"Göyəzən"in təsisçisi və direktoru Mehdi Salmanovun səhhətininin pisləşdiyini və sərbəst hərəkət edə bilmədiyini yazmışdıq.
Dünən Mehdi müəllim Gəncədə yenidən müayinə olunub. "Göyəzən"in köməkçi məşqçisi Süleyman Məmmədov son analizlərin nəticələri haqda "Football-plus.az" saytına bunları dedi:
"Mehdi müəllim Gəncədə kompüter tomoqrafiyasından və başqa müayinələrdən keçdi. Onun xəstəliyi elədi ki, əməliyyatlıq deyil. Ancaq müalicə və daimi qayğı göstərməklə vəziyyəti yaxşılaşa bilər. Onu da qeyd edim ki, Mehdi müəllim uzun illərdi şəkər xəstəliyindən əziyyət çəkir. Bu da müalicənin arzulanan effekti verməsinə əngəl yaradır. Amma ümidimizi itirmirik, bütün "Göyəzən" camiəsi və futbolsevərlər Mehdi müəllimin sağalacağına, matçlarımıza gələcəyinə inanır".
Qərb Regional Futbol Federasiyasının prezident Nadir Nabiyev də saytımıza bu haqda danışdı:
"Mehdi müəllim səhətinin pisləşməsindən xəbərimiz var. Daim də diqqətdə saxlayırıq. Biz tərəfdən nə ehtiyac, kömək olsa, əlimizdən gələni etməyə hazırıq".
ABDULLA İSMAYILOĞLU
Digər xəbərlər
