"Yanvarın 8-dən "Olimpik Star"da məşqlərə başlamışıq. Hər şey qaydasındadı. Şükür Allaha, nə zədəlimiz, nə də məşqlərə qatılmayan futzalçımız var. Bəli, cəmi 2 xal geridəyik və məqsədimiz daha yaxşı oyunla "Araz-Nazçıvan"ı qabaqlayıb çempion olmaqdı. Bunu kim istəməz ki?! Hələ ki heyətdə dəyişiklik etmək nəzərdə tutulmayıb. Legioner və yerli oyunçu axtarmırıq. Sadəcə, U-19 millisində "gözaltı etdiyimiz" futzalçılar var. Çox güman, mövsüm başa çatandan sonra onları heyətə cəlb edəcəyik. Bir az da inkişaf etmələrini istəyirəm. "Araz-Naxçıvan"ın yeni transferlərindən də xəbərimiz var. Amma bu, bizi qorxutmur. Komandama güvənirəm. Potensialımız var. İnşallah, qarşıdakı turlarda daha baxımlı oyun sərgiləyəcəyik".

“2 ci dövrə üçün hazırlığa yanvarın 4-də start vermişik. Hər gün “Olimpik Star”da hazırlıq keçirik. Hazirda daha çox fiziki məşqlərə üstünlük veririk, növbəti həftədən taktiki məşqlərə keçəcəyik. Bir oyunçumuz - qapçı Cavad Məmmədov zədəsinə görə komanda ilə birgə məşq edə bilmir. Yaxın vaxtlarda komandaya qoşulacağına ümid edərim. Başqa zədə problemimiz yoxdu, tam heyyətlə 2-ci dovrəyə hazırlaşırıq. Komandaya yeni oyunçular cəlb etmək istəyirik, legioner də ola bilər. Gənc oyunçumuz Nurlan Məmmədov isə 2-ci dövrədən “Baku Fire”də çıxış edəcək. Ümumiyyətlə komandada əhval-ruhiyyə yüksək səviyyədədi, bu da hazırlıq prosesinin effektli keçməsi üçün çox vacibdi”.

“Toplanışa artıq iki həftədi başlamışıq. Bu həftə, yəni cümə günü toplanış bitəcək. Kimlərlə yola davam edəcəyimiz də bəlli olacaq. Bir legionerimiz var, iranlıdı, hələ ki gəlmiyib. Üç futzalçı ilə vidalaşmışıq, əvəzində dördünü götürmüşük. Hədəfimiz ilk növbədə ölkə çempionatında ilk “3-lük”də qərarlaşmaqdı. Hazırda bir qədər çətin görünür.Çünki birinci dövrədə yeni komanda yığmışdıq. Ona görə çox xal itirdik.Çalışacağıq ki, toparlanaq, xalları qaytaraq. Əsas məqsədimiz isə kubokda maksimum nəticə əldə etməkdi. Əhval-ruhiyyə yaxşıdır komandada. Maksimun nədisə, onu da göstərməyə çalışacağıq”.

“Məşqlərə başlamışıq. Ümumi əhval-ruhiyyə yaxşıdı. Bəzi futzalçılarımız xəstələnib. Əsasən də qapçımız “qızılca” olub. Bəzi futbolçuların isə hərarəti var. Buna görə də məşqlərdə iştirak edə bilmirlər. Biz ancaq gənc oyunçuları götürürük. Əsas məqsədimiz milliyə oyunçu hazırlamaqdı. Əsas problem odu ki, biz aşağı yaş qruplarındakı oyunçuları cəlb etmək istəyirik, yaxşı oynayanlar isə böyük futbola gedir”.