İspaniya hakimlər korpusunun rəhbəri Luis Medina Kantalexo çərşənbə axşamı ehtiraslı çıxışlar yadda qalıb.

"Football-plus.az" xəbər verir ki, onun dediyinə görə, dünyada heç bir komanda hakimlərə “Real” kimi təzyiq göstərmir. Kantalexo klub telekanalını hər oyundan əvvəl mübahisəli qərarlarla bağlı video yaydığına görə tənqid edib.

Hakimliklə bağlı yeni mübahisə dalğasının səbəbi var. Ər-Riyadda “Real”la “Atletiko” arasında keçirilən Superkubok uğrunda yarımfinal oyununa Xavyer Alberola Roxas təyin olunub. Baxmayaraq ki, “Kral klubu” La Liqanın cari mövsümündə artıq iki dəfə onun işindən narazı qalıb. Kantalexo “Radio Cadena COPE” radiosuna müsahibə zamanı belə deyib: “Belə hərəkət qətiyyən xoşumuza gəlmir. Dünyada heç bir idman növündə belə herəkət edən heç bir başqa komanda yoxdu. Əlbəttə, klubları dəstəkləyən media kanalları var. Ancaq “Real” TV-də başverənlər heç bir başqa yerdə olmayıb. Onların etdikləri mənə tam yanlış hərəkət kimi görünür. 40 illik hakimlik dövrümdə heç vaxt görməmişəm ki, kimsə hər həftə hakimlərə təzyiq göstərsin. Bu, təkcə hakimlik baxımından yox, İspaniya futbolunun imici üçün də pisdi. Biz artıq bu işi hüquqşünaslara tapşırmıqı, onlar məsələ ilə məşğul olacaq”.
“Real” Alberola Roxasın ötən il sentyabrın 24-də “Vanda Metropolitano”da keçirilən və Ançelottinin komandasının 1:3 uduzduğu oyunda verdiyi bəzi qərarlardan narazıdı. Madridlilər diqqəti əsasən Bellingemə qarşı kobudluğa, Kamavinqanın sayılmayan qoluna və Rodriqoya qarşı kobud oynayan Xose Ximenesin meydandan qovulmamasına yönəldir.

Medina Kantalexo Alberola Roxasın Ər-Riyaddakı qarşılaşmaya təyinat almasını belə şərh edib: “Bu, komitənin qərarıdı. Çempionat oyununa baxandan sonra fikrimiz belə oldu ki, hakim işinin öhdəsindən yaxşı gəlib, bu üzdən Superkubok oyunu üçün də onu seçdik. Biz kənar təsirdən asılı ola bilmərik”.
Hakimlər korpusunun rəhbəri “Real”ın prezidentu Florentino Pereslə danışmağa ehtiyac duymur: “Klubun təmsilçilərindən Roberto Karlos və Santyaqo Solari ilə danışmışam... “Real”ın prezidentinə deyiləsi sözüm yoxdu. Ancaq onlar klub daxilində nə ilə bağlı yayın təşkil etdiklərini anlamırlarsa... Hər həftə belə edirlər. Əlbəttə, bu mənə yersiz hərəkət kimi görünür. Bizə çox böyük təsir göstərirlər”.

ESPN bu mövzuda şərh üçün “Real”a müraciət etsə də, cavab ala bilməyib. Xatırladaq ki, Florentino Peres noyabrda klub üzvlərinin illik ümumi iclasında hakimlik mövzusuna da toxunmuşdu: “İspaniya futbolunun rifahı üçün hakimliyin səviyyəsi və VAR-dan istifadə kimi məsələlərin həllini tapması çox vacibdi. Heç kim VAR xətlərinin necə çəkildiyini anlamır, heç kim anlamır ki, biz niyə ofsayd hallarında bütün təsvirləri görmürük. Bu isə daha böyük şübhələr doğurur. İspaniya hökumətinin ölkədəki hakim orqanlarının işini yaxşılaşdırmaq üçün addımlar atacağına inanıram. Bu təcidilidi, həmişəkindən çox təcilidi. Yarışlarımıza etimada xələl gəlib”.

Karlo Ançelotti də bu mövzunu şərh etməkdən yayınıb. Amma “Real”ın baş məşqçisi oktyabrdakı mətbuat konfransında belə demişdi: “Hakimlərə inanıram. Bəzən daha çox, bəzən bir qədər az. Siz məndən “Real”ın klub kanalında yayılan videolar haqda soruşursuz, ancaq söz azadlığının nə demək olduğunu özünüz məndən yaxşı bilirsiz... Mən komandamın çıxışına köklənməliyəm, hakimlik isə başqalarına qalsın”.