“İrəvan” üçünü yola salıb, yeddisini transfer etmək istəyir
Futbol üzrə ölkə çempionatının 1-ci liqasında mübarizə aparan klubların düşərgəsindən ən yeni xəbərləri müntəzəm nəzərinizə çatdırırıq. Amma “İrəvan” istisnadı.
Bu komanda ilə əlaqə saxlamaq bir çox hallarda çətinlik yaradır. Dünən baş məşqçi Nazim Süleymanovla danışa bildik. Klubun mətbuat xidmətinin rəhbəri Mübariz Zeynallı çərşənbə günü bizə yanvarın 10-na nəzərdə tutulan iclasın təxirə salındığını, növbəti həftə keçiriləcəyini bildirmişdi.
Süleymanov isə klubdakı durumla bağlı bizə bunları dedi:
“Artıq üç futbolçuyla yolları ayırmışıq. Bunlar Famil Camalov, Rafiq Həsənov və Arsen Ağcabəyovdu. 7 futbolçu transfer etmək imkanımız var. Məşqlərimiz davam edir və yeni qoşulan, baxışda olan futbolçular var. Bildiyiniz kimi, klubumuzun sponsoru yoxdu. Bu istiqamətdə işlər gedir. Çox güman ki, klubdaxili iclasdan sonra müəyyən məsələlərə aydınlıq gələcək”.
KAMAL SƏFƏR
Digər xəbərlər
