Joze Mourinyo bir neçə aydan sonra iş yerini dəyişə bilər.

Onun “Roma”dan getmək ehtimalının yüksək olduğunu “Foot Mercato” nəşri xəbər verib.

Portuqaliyalı mütəxəssisin müqaviləsinin müddəti 2024-cü ilin iyununa kimi nəzərdə tutulub. İddiaya görə, həm rəhbərlik, həm də Mourinyo əməkdaşlığa son vermək istəyir. Lakin klub onunla yolları yalnız sözləşmənin müddəti başa çatdıqdan sonra ayırmağı planlaşdırır.

Mourinyo paytaxt komandasını 2021-ci ilin yayından çalışdırır. “Roma” onun rəhbərliyi altında 2021/22 mövsümündə Konfrans Liqasının qalibi, 2022/23 mövsümündə isə Avropa Liqasının finalçısı olub. Komanda hazırda A seriyasında 19 oyuna 29 xalla 8-ci yeri tutur.