“Ən azı 6-7 futbolçu götürəcəyik” – bombardiri aldı, amma doymadı
2-ci liqa təmsilçisi "Füzuli" heyətini gücləndirməyə davam edir. Qış fasiləsinə 4-cü pillədə yollanan komanda "Cəbrayıl"ın bombardiri Elvin Nəsibovu sıralarına qatıb.
"Football-plus.az" saytı olaraq, bu məsələylə bağlı "Füzuli"in icraçı direktoru Vasif İsmayılovdan detalları öyrənməyə çalışdıq:
"Güclənməyə ehtiyacımız var. Bizə vuran ayağı olan oyunçular lazımdı. Bəli, Elvin Nəsibovla xeyli vaxtdı danışıq aparırıq. Onunla, demək olar, razılığa gəlmişik. Qalıb rəsmi müqaviləyə qol çəkmək. Amma bu, son transferimiz olmayacaq. Hücum xətdinə maksimum keyfiyyətli oyunçuları cəlb etməyi düşünürük. Ən azı 6-7 futbolçu götürəcəyik. Hazırda danışıqlarımız davam edir".
ABDULLA İSMAYILOĞLU
Digər xəbərlər
