Mahirin "Konyaspor"la bağlı ŞOK SİRRİ: baş məşqçinin sözləri və gizli təkliflər ortaya çıxdı
Millimizin və Zaqreb "Dinamo"sunun oyunçusu Mahir Emreli haqda redaksiyamıza diqqətçəkən informasiyalar daxil olub.
"Football-plus.az"a etibarlı mənbədən verilən məlumata görə, hücumçu karyerasını Türkiyədə davam etdirməyə yaxın imiş. Söhbət onun "Konyaspor"da çıxış etdiyi dönəmdən gedir.
Detallar a keçid alaq. Belə ki, o, 2023-cü ilin fevralında "Dinamo" tərəfindən "Konyaspor"a icarəyə verilmişdi. Superliqa təmsilçisinin heyətində 12 oyunda meydana çıxan futbolçunun 2 qolla yadda qaldığını bilirsiz. Əslində bu, hücumçu üçün parlaq nəticə deyil. Lakin klubun icarə müddətini uzatmamasının səbəbi başqadı. Əldə etdiyimiz bilgiyə görə, proseslərin axarına baş məşqçi Aleksandar Stanoyeviçin Mahir haqda neqativ düşüncələri təsir edib. Serbiyalı mütəxəssis hücumçunun futbolçu kimi xarakterini bəyənmədəyini deyib:
"Özündənrazı adamdı. Üzərində işləmək istəmir. Halbuki böyük potensiala malikdi. İstəsə, Edin Ceko səviyyəsində oyunçu olar. Üstəlik qiyməti performansına görə çox bahadı".
Maraqlıdı ki, həmin dönəmdə Mahir də karyerasına Türkiyədə davam etmək istəyirmiş. Burda isə "Dinamo"nun tələbləri tərəzidə ağır gəlib. Xorvatiyalılar azərbaycanlının Türkiyəyə verilməsi üçün nə az, nə çox - 2,5 milyon avro tələb edib. Belədə superliqanın digər təmsilçilərindən "Alanyaspor" və "Başakşəhər" futbolçunun xidmətində maraqlı olub. Lakin Mahir bu təklifləri geri çevirərək "Dinamo"ya dönüb.
KƏNAN BAHADIR
