Bu foto Mahir Emrelinin “instaqram” hesabından götürülüb.

Yox, 25 yaşlı hücumçu dəhşətli zəlzələdən əziyyət çəkən Türkiyəyə təyyarə ilə humanitar yük aparmır. Səbəb sadə və anlaşılandı: müstəqil Azərbaycan futbolunun ən böyük ümidi gözü ilə baxdığımız birisi “Konyaspor”la anlaşıb, indi də münasibətləri rəsmiləşdirməyə gedir. Bir qədər də dəqiqləşdirək: Zaqreb “Dinamo”su onu hazırda Türkiyə superliqasının turnir cədvəlinin 8-ci pilləsində qərarlaşan “Konyaspor”a icarəyə verir. Konyalılar yayda Mahir bəyin transfer hüququna yiyələnməyə çalışacaq.

2021-in iyununda “Legiya” ilə müqavilə bağladı, adi bir münaqişə zəminində ayrıldı. 2022-nin fevralında Zaqreb “Dinamo”su ilə müqavilə bağladı, ulduzların komandadan ayrılması fonunda belə ümidləri doğrultmadı, heyətdə möhkəmlənə bilmədi. İndi də “Konyaspor”u “günə çıxarmağa” gedir. Adam böyük bir istedadın böyük addımlarla geriyə, daha dəqiqi, uçuruma yuvarlanmasına heç cür biganə qala bilmir. Nə bilim, uğur arzulamaq lazımdısa, arzulayaq. Hərçənd Mahir özü də çoxdan etiraf edib ki, ictimai rəy, azarkeş, jurnalist fikri onun üçün heç bir əhəmiyyyət daşımır. Bir yol tutub, gedir də... Allah axırını xeyir eləsin...

ORXAN