Novak Cokoviç Fransanın məşhur “L’Équipe” qəzetinin versiyası üzrə 2023-cü ilin idmançısı seçilib.

"Football-plus.az" xəbər verir ki, o, bu il üç “Böyük dəbilqə” turniri qazanıb, ilin yekun turninini qalibi olub və dünya reytinqinin ilk pilləsindədi.

Ən yaxşı idmançıların “10-luğ”u:

1. Novak Cokoviç (tennis, 876 xal)
2. Leon Marşan (üzgüçülük, 361)
3. Maks Ferstappen (Formula-1, 348)
4. Noa Layls (yüngül atletika, 315)
5. Siya Kolisi (reqbi, 216)
6. Marko Odermatt (dağ xizəyi, 197)
7. Yohannes Bo (biatlon, 155)
8. Tadey Poqaçar (veloidman, 151)
9. Matye van der Pul (veloidman, 132)
10. Erlinq Holann (futbol, 130).

“L’Équipe” dünyanın ən yaxşı idmançısını 1975-ci ildən bəri müəyyənləşdirir. Sıralama gizli səsvermə əsasında müəyyənləşir. Nəşrin hər əməkdaşı nominantlar siyahısından 5 ən yaxşısını seçir. 1-ci yerə görə 6, 2-ci yerə görə 4, 3-cü yerə görə 3, 4-cü yerə 2, 5-ci yerə görə 1 xal verilir.