2023-cü ilin futbol dünyasında hansı hadisələrlə yadda qaldığını xatırlatmağın məqamıdı.

İl milli komanda səviyyəli nəhəng turnirlər baxımından kasad olsa da, vurğulanası məqamlar da yox deyildi. Əlbəttə, 365 gün ərzində sevindirici hadisələr yaşandığı kimi, məyusluq doğuran faktlar da qeydə alındı. İndi geri boylanaraq daha önəmli hadisələrə nəzər salacağıq. Beləliklə...

...itkisi...
Silvio Berluskoni iyunun 12-də vəfat etdi. Məşhur italiyalı biznesmen, siyasi və dövlət xadimi leykemiya xəstəliyindən 86 yaşında dünyasını dəyişdi. Ötən əsrin 80-ci illərindən başlayaraq futboldan siyasi qüdrətini artırmaq vasitəsi kimi məharətlə yararlanan Berluskoni “Milan”ın daxili və beynəlxalq turnirlərdə çox sayda titul qazanmasında müstəsna rol oynayıb. Onun futbolda ikinci layihəsi olan “Montsa”nın qısa müddətə 3-cü diviziondan A seriyasına yüksəlməsi və bu liqada möhkəmlənməsi də vurğulanmalıdı.