2023-cü ilin futbol dünyasında hansı hadisələrlə yadda qaldığını xatırlatmağın məqamıdı.

İl milli komanda səviyyəli nəhəng turnirlər baxımından kasad olsa da, vurğulanası məqamlar da yox deyildi. Əlbəttə, 365 gün ərzində sevindirici hadisələr yaşandığı kimi, məyusluq doğuran faktlar da qeydə alındı. İndi geri boylanaraq daha önəmli hadisələrə nəzər salacağıq. Beləliklə...

...cəzası...
Hələ 2022-ci il noyabrın 28-də “Yuventus” rəhbərliyində kütləvi istefa qərarı verilmişdi. Bunun səbəbi klubun bir sıra maliyyə əməliyyatlarının İtaliya qanunlarına uyğun olmaması ilə bağlı idi. Ölkənin ən titullu klubu sabiq rəhbərliyin qanunsuz əməllərinin cəzasını 2023-cü ildə çəkdi. A seriyasında 10 xaldan məhrum edilməsi komandanın 2022/23 mövsümünü 4-cü yox, 7-ci yerdə başa vurmasına səbəb oldu. Başqa sözlə, Çempionlar Liqasında iştirak etməli olan “ağ-qaralar” ilk dəfə Konfrans Liqasına vəsiqə ilə kifayətlənməli oldular. Ancaq UEFA bunu da onlara çox gördü: qitə futbol qurumu mövsüm başa çatandan sonra “Yuventus”un bu turnirdə iştirakına qadağa qoydu.