"Qarabağ"la kubok oyunundan sonra komandamda yorğunluq var idi. Amma bu o anlama gəlməməlidi ki, Şamaxıya məğlub olmaq üçün getmişdik. Xeyr, səfərə qələbə əhval-ruhiyyədə yollanmışdıq. İstəyirdik ki, qış fasiləsinə qələbəylə yollanaq. Oyuna pis başlamadıq. Sadəcə, 7-ci dəqiqədə heç nədən qapımıza penalti təyin olundu. Əslində penaltidən söhbət gedə bilməzdi. Buna rəğmən, meydanda döyüşdük, hesabı bərabərləşdirmək üçün şanslarımız oldu, amma alınmadı. 2-ci yarının əvvəlində futbolçumuz meydandan qovuldu. Bu da, təbii ki, oyunumuza təsirsiz ötüşmədi. Azlıqda qalmağımızdan yararlanan rəqib qapımıza daha bir qol vurub yekun hesabı müəyyənləşdirdi. Ümumilikdə çempionatın ilk yarısını nəzərə alsaq, çıxşımızı qənaətbəxş sayıram. Yaxşı mübarizə apardıq, döyüşdük. Amma bu hələ bütün ortaya qoyduğumuz potensial deyil. Qış fasiləsindən maksimum istifadə edib yaxşı hazırlaşacağıq. Bütün mövqelərdə yeni nəfəsə ehtiyac var. Əsas da hücum xəttinə transferlər nəzərdə tutmuşuq. Danışıq apardığımız futbolçular var. Razılığa gələ bilsək, qarşıdakı günlərdə rəsmi müqavilə imzalanacaq".