İngiltərədə çoxdan gözlənilən əməliyyat rəsmiləşib: “Mançester Yunayted”in səhmlərinin 25 faizi satılıb.

“Football-plus.az” xəbər verir ki, məlumatı İngiltərə klubunun rəsmi saytı yayıb. Dünyanın nəhəng kimya şirkətlərindən olan INEOS-un idarə heyətinin sədri Cim Retkliff klubun “A” sinfindən olan səhmlərinin və “B” sinfinə aid səhmlərinin 25 faizini alıb. Klubun sahibi olan Qleyzer ailəsi ilə imzalanan müqavilə üzrə 1,3 milyard funt sterlinq irəli düşüb. İngiltərəli 71 yaşlı milyarder “Old Trafford” stadionunun infrastrukturunun təmiri üçün 300 milyon dollar ayıracaq. Klubun yaydığı məlumata görə, INEOS şirkəti MY-nin futbol əməliyyatlarını idarə etmək hüququna da sahib olacaq.

Qeyd edək ki, bir müddət əvvəl Qətər şeyxi Cassim bin Həməd də “Yunayted”in səhmlərinin müəyyən hissəsini almaq istəmiş, lakin Qleyzer ailəsi onun təklifini rədd etmişdi.