"İnanılmaz bir hiss idi. Təsəvvür edin, 3 il əvvələ kimi o şəhərin, stadionun şəkillərinə baxırdın, düşünürdün ki, görəsən, nə vaxtsa ayağın ora dəyəcək, ya yox, amma bu gün həmin stadiondan oyuna baxırsan. Fantastik bir şey idi. Qısa zamanda bu oyunu yüksək səviyyədə təşkil etmək də böyük uğurdu, dövlət olaraq, millət olaraq, xalq olaraq gücümüzü göstərir. Əməyi keçən hər kəsə “afərin” düşür. Ölkə başçısının oyuna gəlməsi, topa ilk zərbəni vurması da xüsusi rəmzi məna daşıyırdı və Azərbaycanı sevməyənlərə gözdağı idi. Şəhər çox gözəldi, ümumiyyətlə, Qarabağ bölgəsi gözəlliklər məskənidi. Ümid edirəm, ən qısa zamanda insanlarımız orada məskunlaşacaq və Xankəndi inkişaf edib ən müasir şəhərə çeviriləcək".