“10 gün ərzində Prezidentdən müsbət cavab gəlməsə, klub dağılacaq”
Kişi voleybolçulardan ibarət "Xarı Bülbül" (Şuşa) və "Xarı Bülbül" (Laçın) klublarının dağılma xəbəri idman mediasının gündəmindədi.
Artıq voleybolçular bununla bağlı ölkə başçısı İlham Əliyevə videomüraciət də yollayıb. Bəs komandanın bu çağırışına səs verən oldumu? Sualımızı şuşalıların baş məşqçisi Ziya Rəcəbova ünvanladıq:
"Hələ ki sponsor tapa bilmirik. Cənab Prezident İlham Əliyevə də müraciət etmişik. 10 gün ərzində müsbət cavab gəlməsə, klub dağılacaq".
Qeyd edək ki, klubun əvvəlki prezidenti Hacı Nuran (Nuran Hüseynov) sponsor tapılacağına dair vədlər versə də, sonradan klubla yollarını ayırmışdı.
GÜNAY SÜLEYMANOVA
Digər xəbərlər
