Misli premyer-liqasının 16-cı turunda “Sabah” “Səbail”i qəbul edib - 4:0.
“Football-plus.az” xəbər verir ki, matçdan sonra meydan sahiblərinin məşqçisi Artur Oleninin mətbuat konfransı keçirilib. Sizi onun fikirləri ilə tanış edirik:
“Çox yaxşı oyun oldu. Dominant tərəf idik. Gözəl qollar vurduq. Düzdü, iki qolumuz sayılmadı. Buna da baxmaq lazımdı. Ki, nəyə görə saymadılar. Futbolçuları göstərdikləri oyuna görə təbrik etdik. Belə davam etməliyik”.
- Hər dəfə belə oyunlardan sonra "Sabah"ın geridönüş etdiyini düşünürük, amma sonrakı matçda xal itirirsiz. Demək olar ki, "Sabah" geri qayıtdı?- Doğrudu. Çalışırıq ki, vəziyyəti düzəldək. Amma bəzən alınmır. Çünki rəqiblər də qalib gəlmək istəyir. Düşünürük ki, vəziyyəti düzəldəyəcəyik.