“Bu tarixi uğura görə çox sevinirik. Çünki komanda olaraq qarşıya qoyduğumuz məqsədi yerinə yetirdik. Qızlarımız oyunqabağı verilən bütün tapşırıqları yerinə yetirdilər. Oyunçularımızı bu səviyyədə görmək bizi çox sevindirir. Geri baxanda uğurlu bir yol qət etdiyimizi düşünürəm. Bu qələbə qızlarımızın haqqı idi, buna görə onlara təşəkkür edirəm. Yığmada keyfiyyət dəyişikliyi ilə bağlı suala gəlincə, onu deyə bilərəm ki, komandada özünəgüvən var, inam var. Hətta komanda deməzdim, biz neçə ildi bir yerdəyik, bir ailəyik. Həmişə deyirdim ki, bu komanda gəncdi, bunlara zaman lazımdı. İndi həmin o gənc komanda getdikcə daha da təcrübə qazanır. Əsas üstünlüyümüz də ondadı ki, qızların 95 faizi qonşu ölkələrin çempionatlarında çıxış edir. Qızlarımız millinin düşərgəsinə nə qədər hazır gəlirsə, bu o qədər də müsbət nəticə verir. Manə Mollayevaya göstərilən “qırmızı”yla bağlı onu deyə bilərəm ki, orda bir sərtlik yox idi. Manə ikinci “sarı”dan sonra “qırmızı” aldı. Sona 10 dəqiqə qalmış azlıqda qaldıq. Bizim üçün çox çətin idi. Manə də buna çox üzülmüşdü. Amma şükürlər olsun ki, hesabı qoruya bildik. Onu da deyim ki, fərqi artıra da bilərdik, bunun üçün şansımız da var idi. Önəmli olan odu ki, qələbə qazandıq”.