"Sərxan Hacıyevə bizi qəbul etdiyi üçün təşəkkür edirik. Maraqlı və səmimi söhbət oldu. Türkiyə səfərimiz, ölkə futbolu barədə danışdıq. Əsas və aşağı yaş millilər, hakimlik, çempionatların təşkili, maarrifləndirmə məsələlərini müzakirə etdik. Qeyd etdiyim bütün məsələlər barədə geniş danışdıq, üstünlükləri, çatışmazlıqları dilə gətirdik.

Azərbaycanın bəzi klubları, akademiyaları infrastruktur baxımından geridə qalmır. Ancaq bəzi meydanlarımız oynamaq üçün əlverişli deyil. Bundan başqa, Sərxan müəllimin gəlişindən sonra liqaların və komandaların ardığını bildirdik. Bu, inkişaf üçün önəmli amildi. Maarifləndirmə sahəsində aparılan işlər üst səviyyədədi. Əsasən də AFFA-nın təşkil etdiyi kurslar və seminarlar yüksək səviyyədədi. Ancaq yatılı akademiyaların sayının artırılması vacibdi. Baş katib də gələcəkdə bu məsələlərin həllini tapacağını qeyd etdi. Mənim üçün ən vacib olan iki amili quruma çatdırdım. Birincisi, müasir idman texnologiyalarını ölkəmizə gətirmək. İkincisi, komandalara nəzarət edəcək mütəxəssislərin yetişdirilməsi. Bura fiziki, analtik məşqçilər, idman həkimləri, psixoloqlar aiddi. O da bu barədə təhsil nazirliyi ilə gələcək planlarında danışacaqlarını dedi. Əsas milliyə gəlincə, De Byazi ilə yolların ayrılmasındam sonra yeni məşqçi axtarışında olduqlarını söylədi. Bu çalışdırıcı yerli də ola bilər, əcnəbi də. Ancaq hələ ki konkret adın olmadığını vurğuladı. Sərxan müəllim stadionların, akademiyaların sayının artırılması, təmiri, hakimliyin səviyyəsinin yüksəldilməsi, liqaların, komandaların çoxluğu, məşqçilərin maarifləndirilməsi, müasir texnologiyaların mərhələli şəkildə tətbiqi məsələrəini həll edəcəklərini dedi".