Əli Koç 1:6-dan sonra nə dedi?
Məlum olduğu kimi ''Fənərbaxça''nın son Danimarka səfəri əsil fiasko ilə nəticələndi.
Konfrans Liqasının qrup mərhələsinin 5-ci turunda ''Fənər'' səfərdə ''Norşellann''a 1:6 hesablı biabırçı hesabla uduzdu. Komanda son 19 ildə ilk dəfə bir oyuna 6 top buraxdısa, son 31 ildəki ən böyükhesablı məğlubiyyətini yaşadı. İstanbul nəhəngində eniş davam edir. Mövsümə ilk 19 rəsmi oyunun hamısında qalib gələrək tarixi şəkildə start verən İsmayıl Kartalın kollektivi son 5 rəsmi oyunda isə cəmi 1 qələbə qazanıb.
Bu arada başqan Əli Koçun oyunçuları ruhlandırmaq üçün digər yönəticilər Səlahəttin Baki və Ahmet Ketenci ilə birlikdə dünən axşam məşqini ziyarət etdiyi məlum olub. Klubun rəsmi saytında yerləşdirilən xəbərdə qeyd olunub ki, məşqdən öncə futbolçularla toplantı keçirən Koç onlara bunları deyib:
''Belə bir nəticə bizim üçün qəbuledilməzdi. Bu üzdən qarşıdakı oyunlarda sizdən bu məğlubiyyətə bir reaksiya gözləyirəm. Qələbəni də, məğlubiyyəti də komanda şəklində əldə edirik. Bu heyətdə əla karyeraya malik təcrübəli oyunçular az deyil. İnanıram ki, onların da liderliyi ilə yenidən qələbələri sıralayan bir komandaya çevriləcəyik''.
ƏLİ
Digər xəbərlər
