"Bildiyiniz kimi, ötən mövsüm final oynadıq və turnirin gümüş mükafatçısı olduq. Yeni “futbol ili”ndə qarşımıza çempion olmaq və 2-ci liqaya vəsiqə qazanmaq hədəfi qoyulub. Ona görə bütün oyunlara ciddi hazırlaşır və qələbə üçün çıxırıq. İlk matçımıza gəlincə, ilk dəqiqələrdə bir qədər bəxtsizlik yaşadıq. Penaltidən yararlana bilmədik. Buna rəğmən, erkən qol vurmağa nail olduq. Bundan sonra da hücumları davam etdirdik. 2-ci yarıda isə meydanda dominantlıq edən tərəf biz olduq. Nəticədə qolları sıraladıq. Bu qələbə qarşıdakı oyunlarımız üçün motivasiya olmalıdı. İnanıram ki, çempionluq üçün addım-addım irəliləyəcəyik. Fürsətdən istifadə edərək bizə "Dalğa Arena"da ev oyunumuzu keçirmək və icarəpulu ödəmədən ondan yararlanmağımız üçün şərait yaradan başda Sərxan Hacıyev olmaqla AFFA rəhbərliyinə təşəkkür edirəm".