Ötən həftənin şənbə və bazar günləri Region Liqasının Paytaxt və Şimal-Qərb regionunda növbəti turun oyunları keçirilib.

Football-plus.az xəbər verir ki, Mərkəz və Cənub regionunda çıxış edən komandalar iki həftə əvvəl qış fasiləsinə yollanıb. Bunun səbəbi həmin regionlarda iştirakçı sayının az olmasıdı.

Paytaxt regionu
A qrupu
Qrupun lideri “Qusar” ilin son qarşılaşmasını da qələbə ilə başa vurub. Rayonun eyniadlı komandası bu dəfə “Bakı Atletik”i darmadağın edib. Qusarlılar rəqibi 9 dəfə məyus edib. Qonaqların gücü yalnız təsəlli qoluna çatıb. “Dirçəliş” “Gənclik”lə “sülh bağlayıb”. “Rekord” isə “Mübariz”i üstələyib. 6 turdan sonra “Qusar” qrupun lideridi. Qusarlılardan bir xal geri qalan “Rekord” ikinci, “Şirvanovka” isə 11 xalla üçüncü pillədə qərarlaşıb. Qrup mərhələsində mübarizə davam etsə də, böyük ehtimalla “Qusar” və “Rekord” pley-offa vəsiqəni təmin edəcək.

Dirçəliş – Gənclik 2:2
Qusar – Bakı Atletik 9:1
Mübariz – Rekord 1:4

1. Qusar 6 5 1 0 34-3 16
2. Rekord 6 5 0 1 24-2 15
3. Şirvanovka 6 3 2 1 11-2 11
4. Dirçəliş 6 2 2 2 11-11 8
5. Gənclik 6 2 1 3 7-22 7
6. Mübariz 6 1 0 5 16-25 3
7. Bakı Atletik 6 0 0 6 3-41 0
Bombardirlər: Sərxan Ağayev (Qusar) – 17, Cəfər Şahmuradov (Mübariz) – 11, Rəhim Nağıyev (Rekord) – 8.

B qrupu
Qrupun autsayderi “İrəvan” fasiləyə məğlubiyyətlə yollanıb. Qədim Azərbaycan şəhərinin adını daşıyan komanda öz meydanında İCBFA-ya böyük hesabla yenilib. Region Liqasının son qalibi “Cəbrayıl”ın “Cürət”i üstələməsində qeyri-adi heç nə yoxdu. “Cəbrayıl” ötən ildəki kimi güclü olmasa da, pley-offa çıxmağa iddialıdı. Bu günə kimi məğlubiyyət acısı dadmayan “Difai” uğurlu seriyanı davam etdirir. Bakı komandası bu dəfə “Lokomotiv”i “ağ bayraq qaldırmağa” məcbur edib. “Difai” qarşısıalınmaz olduğundan pley-offa yüksələcəyi heç kimdə şübhə doğurmur. Qalan vəsiqələr uğrunda isə bizi maraqlı mübarizə gözləyir.

İrəvan – İCBFA 0:3
Cəbrayıl – Cürət 4:1
Difai – Lokomotiv 7:1

1. Difai 6 6 0 0 38-8 18
2. Çinar-Zəngilan 6 5 0 1 34-5 15
3. Cəbrayıl 6 3 1 2 21-15 10
4. İCBFA 6 2 1 3 11-15 7
5. Cürət 6 1 0 5 16-31 3
6. Lokomotiv 5 1 0 4 11-26 3
7. İrəvan 5 1 0 4 6-37 3
Bombardirlər: Eşqin Tağıyev (Difai) – 14, Sergey Markelov (Çinar-Zəngilan) – 10.

Şimal-Qərb regionu
Ötən tur qalmaqallı matçda səfərdə “Karvan”a uduzan “Marxal” acığını “VT Gəncə”dən çıxıb. Şəki təmsilçisi rəqibin qapısından 6 cavabsız top keçirib. “Gözəyən” isə Qazaxda “Göygöl”ün müqavimətini qıra bilməyib. 90 dəqiqə qolsuz başa çatıb. “Qala”nın qələbə seriyası davam edir. Şəmkirlilər ardıcıl 4-cü oyunda da 3 xala sevinib. “Qala” ilin son qarşılaşmasında qrupun autsayderi, Region Liqasında qapısında ən çox qol görən “Şəki”yə qalib gəlib. Lider “Karvan” da tətilə yüksək əhval-ruhiyyədə yollananlar arasındadı. Yevlaxlılar hesabat turunda səfərdə “Ağstafa”ya məğlubiyyət acısı yaşadıb.

Göyəzən (Qazax) – Göygöl 0:0
Şəki – Qala (Şəmkir) 0:4
Marxal (Şəki) – VT Gəncə 6:0
Ağstafa – Karvan (Yevlax) 0:3

1.Karvan 7 6 1 0 16-1 19
2. Marxal 7 6 0 1 33-5 18
3. Qala 7 4 1 2 16-8 13
4. Ağstafa 7 3 1 3 24-22 10
5. Göygöl 7 2 2 3 14-12 8
6. Göyəzən 7 2 2 3 17-21 8
7. VT Gəncə 7 1 1 5 19-24 4
8. Şəki 7 0 0 7 5-51 0

Bombardirlər: Ceyhun Rəcəbli (Marxal) – 13, Arzuman Vəliyev (Göyəzən), Ravil Yusifli (Marxal) – 9.
RƏŞAD