"De Byazi ilə müqavilənin müddəti uzaldımadı. İtaliyalı mütəxəssisə gələcək həyat və karyerasında uğurlar arzulayıram. Əvvələr də səsləndirdiyim fikirdə qalıram. Millimizə yerli mütəxəssislər rəhbərlik etməlidi. Ən azı öz mütəxəssislərimiz futbolumuzu dərindən bilir, oyunçuları yaxından tanıyır, məşqlərdə, məşqdən kənarda onlarla yaxşı ünsiyyət qura bilir. Məhz bunu nəzərə alanda yerli mütəxəssislərimizin komandaya, futbolçulara uyğunlaşma kimi problemləri olmur. Hesab edirəm ki, onlar yığmamızı məşqlərə və oyunlara daha yaxşı kökləyə bilər. Amma mütləq əcnəbi üzərində dayanılacaqsa, yeni baş məşqçi gətirilməsinin tərəfdarı deyiləm. Təzə gələnin futbolçularla dil tapması, yerli şəraitə, mentallığımıza uyğunlaşması xeyli vaxt aparacaq. Belə olduqda elə köhnə məşqşçini saxlamaq daha məntiqlidi. Amma yenə təkrar edirəm, yerli məşqçilərimizə üstünlük verilsə, yaxşı olar". 

"Fikrimcə, yerli məşqçilərə şans verilməlidi. Çünki öz mütəxəssislərimiz həm futbolçularımızı, həm də çempionatımızı yaxşı tanıyır. Odu ki, onları futbolçulara yanaşmasında, özünün futbol fəlsəfəsini aşılmasında problem olmayacağı qənaətindəyəm". 

Xəyal Zeynalov: "Bizə ancaq mentallığımızı bilən, futbolçuların xarakterini, bacarıqlarını, üstünlüklərini, çatışmazlıqlarını, qısası, bütün xüsusiyyətlərini bilərək onlarla dil tapan, təsir edən, ən əsası, xalq olaraq millidən nə gözlədiyimizi bilən yerli mütəxəssis lazımdı. Uzun illərdi əcnəbilərin rəhbərliyi ilə sərgilənən oyun və nəticə göz önündədi. Ancaq və ancaq yerli məşqçi yığmada olmalıdı".