"Mənə həmişə maraqlı olub ki, yetərincə savadlı məşqçilərimiz ola-ola, niyə əcnəbilərə üstünlük vermişik? Onları bizim mütəxəssislərdən üstün edən nədi? Hesab edirəm ki, hazırda vakant olan baş məşqçi postuna yerli məşqçilər irəli çəkilməlidi. Dünyada dövlətlər, xalqlar fərqli olduğu kimi, məşqçilər də elədi. Ona görə də hesab edirəm ki, yığmaya kənardan baş məşqçi gətirmək ənənəsinə son qoymalıyıq. Yerli mütəxəssislər mentallığı bilir, futbolçulara yanaşma və başqa məsələlərdə daha səriştəlidi. Azərbaycanlı baş məşqçi gətirələcəksə, onun sıxma-boğmaya salmaq düzgün deyil. Yəni məşqçinin qarşısında “dərhal nəticə verməlisən” tələbi qoyulmamalı, ona vaxt verilməlidi. Hər halda, əcnəbi məşqçilərə verdiyimiz şansı, tanıdığımız vaxtı yerli mütəxəssiislərə də verməliyik".