Lionel Messinin formaları satılacaq.

"Football-plus.az" xəbər verir ki, Argentina yığmasının hücumçusunun DÇ-2022-də geydiyi formalar kolleksiyası hərraca çıxarılacaq.

“Daily Mail” qəzetinin xəbərində kolleksiyada ümumilikdə 6 formanın (həm də onun Fransa ilə final matçında daşıdığı forma) olacağı qeyd edilib. Kolleksiyanın ümumi dəyəri isə azı 10 milyon dollar olacaq. Məlumatda bu satışın idman aksessuarları xatirələri planında rekord ola biləcəyi də vurğulanıb. Yeri gəlmişkən, bu baxımdan rekord 2022-ci ilin sentyabrında basketbol əfsanəsi Maykl Cordanın 1998-ci ildə “Yuta” ilə MBA-nın pley-offunun finalında “Çikaqo Bullz”da geydiyi forması hərracda 10 milyon 91 min dollara satıldığı zaman qeydə alınıb.

Messiyə gəlincə, onun Argentina millisi ilə 2022-ci ilin noyabr-dekabr aylarında Qətərdə keçirilən dünya çempionatının qalibi olduğunu və turnirin ən yaxşı oyunçusu seçildiyini xatırladaq.